Rjucht en Sljucht spilet ‘Amateurs’

Yn ‘Amateurs’ draait alles om de  toanielploech Sân. Se meie yn in gruttere seal spylje dan dat se wend binne. En omdat se goed foar it ljocht komme wolle, ha se in profesjonele regisseur frege: Albert Bos. Foar it earst repetearje se op it poadium. Mar de senuwen slane ta. De bin noch mar in pear repetysjes en de tekst sit der by guon noch lang net yn. De kostúms binne net klear en it dekôr moat men noch mei begjinne.  Toanielmaster Joop is te let, en hoe wurket it hjir eins allegear? Ek de eardere regisseur hat sa syn problemen. En is it wol sa’n moai stik? Allegear fragen dêr’t noch in antwurd op komme moat.