Dit jier steane Jan Arendz en Marijke Geertsma 40 jier op de planken. Om dit te fieren komme se op 27 maart (20.00 oere) mei in selsskreaun stik oer in akteursechtpear nei it doarpshûs yn Terwispel.
De akteurs hawwe harren 60-jierrich jubileum, yn 2034. De man (Jan) wol dit unike jubileum fiere, de frou (Marijke) hat der gjin nocht mear oan. Dizze foarstelling is foar in part basearre op de stikken, dy’t se spile ha. Tagelyk ha dy stikken ynfloed hân op harren deistich libben, lykas it akteur-wêzen dat ek hân hat. Se binne net allinne kollega’s, mar ek en foaral man en frou. In kronyk, net allinne fan it (toaniel)libben fan in akteursechtpear, mar ek fan it Fryske kulturele libben, fan it feroarjende Fryslân. www.jmteaterwurk.nl
